粵拼與其他粵語拼音方案對照表

本文列出粵拼與目前公共領域中常見嘅廣拼、教院、耶魯、劉錫祥呢四種粵語拼音方案嘅對比，幫助讀者釐清佢哋嘅分別，方便更好噉學習同使用粵拼。

目前，喺公共領域嘅書籍、媒體等作品中，除咗粵拼之外，我哋仲可以見到其他幾種唔同嘅粵語羅馬化拼音方案。對於初學者嚟講，喺遇到多種粵語拼音嗰陣，好容易產生混淆與撈亂。本文將列出粵拼與目前公共領域中常見嘅廣拼、教院、耶魯、劉錫祥呢四種粵語拼音方案嘅對比，幫助讀者釐清佢哋嘅分別，方便更好噉學習同使用粵拼。

上述呢五種，就係目前公共領域嘅書籍、媒體中最常見嘅粵語羅馬化拼音方案。除此之外，歷史上仲出現過黃錫凌方案、Meyer–Wempe 方案等幾種其他嘅粵語拼音方案，但係喺當代，佢哋已幾乎唔再使用，只局限出現於歷史文獻當中，一般初學者遇到佢哋嘅幾率好低。因此，本文唔再將佢哋列舉出嚟。

聲母對照表

• 上表例字只取其聲母。
• 廣拼方案中，z、c、s 同 j、q、x 之間並無音值上嘅區別，佢哋只係接喺唔同韻腹前嘅變體。具體嚟講，廣拼中當韻腹係 i 或 ü 嗰陣，用 j、q、x 拼；韻腹係其他元音嗰陣，用 z、c、s 拼。

韻母對照表

• 上表例字只取其韻母。
• 帶 * 號嘅爲只在口語中出現嘅韻。其中：
  • 粵拼嘅 eu、em、en、ep、et 韻，喺廣拼、教院、耶魯、劉錫祥嘅原方案中無定義。廣拼、教院、劉錫祥可以根據現有規則類推拼出呢五個韻，耶魯可以根據現有規則類推拼出後四個韻，喺上表中用 () 表示。而 eu 呢個拼法喺耶魯方案中已用嚟拼 [œː] 韻，故無法類推拼出粵拼嘅 eu 韻，喺上表中用 - 號表示。
  • 粵拼嘅 oet [œːt] 韻喺表示嘔吐嘅擬聲詞「𠰲」等情況下使用，與 eot [ɵt] 韻對立。廣拼、教院、耶魯、劉錫祥嘅原方案中都無定義 oet 韻。前三種方案都將元音 [œ] 同 [ɵ] 視作同一音位，故無法類推拼出粵拼嘅 oet 韻，喺上表中用 - 號表示。而劉錫祥方案將元音 [ʊ~o] 同 [ɵ] 視作同一音位，元音 [œ] 獨立一音位，故可以類推拼出粵拼嘅 oet 韻，喺上表中用 () 表示。

聲調對照表

• 耶魯拼音一般用聲調符號嚟標調，並且喺陽聲調嘅元音後邊加 h。喺唔方便用聲調符號嗰陣，亦會使用數字標調。
• 粵語廣州話嘅陰平調有 53 同 55 兩種調值，又分別叫「上陰平」同「下陰平」。現代粵語中呢兩種調值一般爲自由變體，冇特別區分，所以粵拼、廣拼、教院方案都用調號 1 代表陰平調；而耶魯、劉錫祥就有區分呢兩種調值。
• 對於三個入聲調，教院方案可用 7、8、9 標，亦可用 1、3、6 標。